Teithiau Cerdded ac Ymweld

Mae ymweliad i ac o gwmpas Cymru yn haeddu cynllunio da. Rydw i’n arbenigo mewn teithiau cerdded wedi ei harwain, gyda hanes, diwylliant, bwyd a diod a cherdded gwych, yn ogystal ag arbenigo mewn teithiau ac ymweliadau unigryw i bob rhan o Gymru, gyda theithlenni diddorol, trafnidiaeth ddiogel a chyffyrddus a phrofiadau pwrpasol sydd ddim ar gael gan amlaf i ymwelwyr.

Yn addas ar gyfer digwyddiadau adeiladu tîm a diwrnodau ‘i ffwrdd o’r swyddfa’, yn ogystal â chyfleoedd meddwlgarwch ac hunan-gofal, dwi’n anelu at apelio at unigolion, grwpiau, cwmniau ac elusennau.

Os hoffech fynd i gerdded ar hyd llwybrau arfordirol godidog, trwy goedwigoedd hudolus ac o gwmpas trefi a phentrefi hanesyddol, ac os hoffech chi gwmni da, golygfeydd arbennig, y cyfle i ddysgu am hanes a diwylliant yr ardal a chyfle i brofi cynnyrch Cymreig, yna fe nai sicrhau i wneud eich diwrnod neu’ch ymweliad yn un arbennig iawn. Rydw I’n angerddol ynglŷn â Chymru a’i llwybrau cerdded, gan gynnwys y Llwybr Arfordirol unigryw o gwmpas Cymru, a dwi’n gynnig gymaint yn fwy na cherdded o A i B yn unig. Trwy fy nghyflogi i, fe gewch chi arweiniad personol, ymweliadau diddorol, cyfleoedd blasu, gwybodaeth hanesyddol, awyr iach a cherdded heb ei ail. O, a thipyn o hwyl hefyd!

Yn ogystal â cherdded, rydw i’n medru cynnig profiadau unigryw, o ddrws i ddrws ac o orsaf i orsaf, i unrhyw ran o Gymru sydd ar eich rhestr i’w fwynhau, gyda gwasanaeth personol ac unigryw dros Gymru gyfan, petai na fwy o amser gennych. Tau bwyta rhagorol, llety ar gyfer pob cyllideb, atyniadau, gerddi, traethau, cestyll a nifer o brofiadau pwrpasol ac unigryw na fydd yn bosib eu mwynhau fel arfer!

Cysylltwch â fi naill ai ar fy rhif ffôn neu ar e bost a gadewch i fi wybod i ble fase chi’n hoffi mynd, maint o amser sydd ganddoch a beth hoffech ei wneud a’i weld a gadewch i fi eich tywys o gwmpas Cymru brydferth!

Ymunwch â Chris ’Tywydd’ Jones am Dro yn Y Fro!

Mae Bro Morgannwg yn le arbennig am gerdded. Bydd ein 5 taith gerdded, sy’n caniatáu cŵn, yn eich tywys o gwmpas y Fro ar ei orau, gyda golygfeydd arfordirol, mannau hanesyddol, ymweliadau diwylliannol, tafarndai, caffis a chyfleoedd ffotograffig gwych. Mae’r teithiau cerdded i gyd yn berffaith ar gyfer achlysuron adeiladu tîm a diwrnodau ‘i ffwrdd o’r swyddfa’, yn ogystal ag unrhyw ofynion yn ymwneud â iechyd meddwl, meddwlgarwch ac hunan gymorth. Os yn byw’n lleol neu yn ymweld, neu’n trefnu digwyddiad corfforaethol, neu yma ar wyliau, ac â diddordeb mewn mwynhau cerdded yn y Fro, cymerwch olwg ar y fideos byr ar gyfer y pum daith, dewiswch eich hoff un ac os am drafod a threfnu dyddiad ag amser, yna cysylltwch ar e-bost neu ffôn symudol unrhyw bryd.

£25 y person yw cost pob taith gerdded, yn daliadwy ar y diwrnod, gyda mynediad am ddim i gŵn

Taith 1

Taith Llwybr Treftadaeth Morgannwg (Aberogwr)

8 milltir (llwybr byrrach ar gael)
4 awr
Cymedrol gyda rhannau serth ar hyd Llwybr arfordir Cymru a llwybr treftadaeth Morgannwg. Dechrau a gorffen yng nghaffi neuadd gymunedol Aberogwr.
O DDIDDORDEB
  • Twyni Merthyr Mawr
  • Castell Ogwr
  • Pentrefi Aberogwr a Sant y Brîd
  • Canolfan Arfordir Treftadaeth
  • Castell Dwnrhefn a Gardd Furiog
  • Eglwys Sant Bridget
  • Traeth Dwnrhefn
  • Bwytai a thafarndai lleol

Taith 2

Taith yr arfordir a goleudy (Monknash)

8.5 milltir (llwybr byrrach ar gael)
4.5 awr
Llwybrau penodol gyda rhai mannau serth yn dilyn clogwyni uchel. Dechrau a gorffen yn nhafarn y Plough and Harrow yn Monknash.
O DDIDDORDEB
  • Arfordir Treftadaeth Morgannwg
  • Castell a Chanolfan Gelfyddydau Sain Donat
  • Goleudy Trwyn Nash
  • Caffi Nash Point
  • Eglwys y Drindod Sanctaidd, Marcross
  • Eglwys Sant Donat
  • Prifysgol Ryngwladol yr Iwerydd
  • Tafarn Y Plough & Harrow

Taith 3

Taith croesau Celtaidd a’r arfordir (Llanilltud Fawr)

5.5 milltir
3 awr
Llwybrau arfordirol, lonydd gwledig, coedwigoedd gyda rhai giatiau a chamfeydd. Dechrau a gorffen yn maes parcio gorsaf drên Llanilltud Fawr.
O DDIDDORDEB
  • Eglwys Sant Illtud a Capel Galilee
  • Y Porthdy, Abaty Tewkesbury Grange
  • Arfordir Treftadaeth Morgannwg
  • Tŷ colomennod
  • Bae Tresilian a thraeth y môr ladron
  • Neuadd y Dref Llanilltud Fawr
  • Tafarn hynafol y Swan Inn

Taith 4

Taith treftadaeth Iolo Morgannwg (Y Bontfaen)

7 milltir (llwybr byrrach ar gael)
4 awr
Llwybrau penodol trwy gaeau a choedwigoedd ac ar hyd lonydd a phalmentydd, gyda rhai mannau serth. Dechrau a gorffen yng Ngwesty’r Bear, Y Bontfaen
O DDIDDORDEB
  • Gerddi’r Hen Neuadd
  • Yr Ardd Ffisig
  • Lleoliadau hanesyddol Iolo Morgannwg
  • Gwesty’r Bear
  • Stalling Down
  • Tafarn y Bush, Sant Hilari
  • Castell Sant Quentin

Taith 5

Taith naid yr eogiaid (Dinas Powys)

6 milltir (llwybr byrrach ar gael)
3 awr
Llwybr hamddenol ar hyd lonydd a thrwy goedwigoedd prydferth gydag ambell ‘i fan serth. Dechrau a gorffen yn maes parcio Y Star Inn, Dinas Powys
O DDIDDORDEB
  • Coedwig Cwm George
  • Pentref hynafol Dinas Powys
  • Heol y Cawl (Lôn Broth)
  • Caer Bryniau’r Oes Haearn
  • Broc Wrinstone
  • Naid Eogiaid
  • Michelston-le-Pitt
  • Cofrestrwch

Gadewch i ni siarad!

 Cysylltwch â Chris heddiw i weld sut allwch chi fwynhau Bro Morgannwg a Cymru

Galwch 07779 712293 neu e-bostiwch i drafod cerdded gwych!

Testimonials

Proceed to payment

We use the Stripe payment portal which guarantees encrypted secure payments.